არსებული რისკების გათვალისწინებითა და ჩვენი საუკეთესო პრაქტიკით, ვახდენთ თქვენი კომპანიისათვის საჭირო სადაზღვევო პროდუქტის ძირითადი მოთხოვნებისა და პირობების შემუშავებას.

ჩვენ, თქვენთან შეთანხმებულ სატენდერო დოკუმენტს ვაგზავნით შესაბამის სადაზღვევო კომპანიაში, საიდანაც ეფექტური კომუნიკაციის შედეგად ვიღებთ ჩვენს მოთხოვნებთან მაქსიმალურად მიახლოვებულ სადაზღვევო შეთავაზებას.

მოწოდებული სადაზღვევო წინადადებების შეფასებას ვახდენთ დეტალური ანალიზის საშუალებით, რომელსაც გიგზავნით თქვენ გადაწყვეტილების მარტივად და გააზრებულად მისაღებად.

დაზღვევის პირობების ორივე მხარესთან შეჯერების შემდეგ, თქვენი კომპანიის იურისტთან ერთად გავდივართ ხელშეკრულების იურიდიულ ნაწილს და ვათანხმებთ საჭირო ცვლილებებს შერჩეულ სადაზღვევო კომპანიასთან, რის შემდეგაც ფორმდება ორმხრივი კონტრაქტი.

ეს პროცესები მოიცავს: თქვენს და სადაზღვევო კომპანიის მხრიდან განსახორციელებელი პროცედურების დროული შესრულებაზე კონტროლს, სადაზღვევო შემთხვევების მართვის სისწრაფესა და კომპეტენტურობას, ინფორმირებულობას, ზარალის დროულ და სრულფასოვან ანაზღაურებას, ანაზღაურების პროცედურების სიმარტივეს, რაც განაპრობებს თქვენს კომფორტს დაზღვევასთან დაკავშირებულ საკითხებსა და პროცესებში.

გარკვეული პერიოდულობით ჩვენ ვამოწმებთ თქვენი და თქვენი თანამშრომლების დაზღვევით კმაყოფილებას როგორც უშუალო კომუნიკაციით, ისე გამოკითხვის (პირდაპირი/ ელექტრონული) მეთოდითა და სადაზღვევო შემთხვევების გადაწყვეტის ხარისხის შესაბამისად. დაზღვევის ხარისხის შეფასება გვეხმარება რომ დავინახოთ და გადავწყვიტოთ ის საკითხები და გამოწვევები რაც მნიშვნელოვანია თქვენი ბიზნესისათვის.