ავტომობილის დაზღვევა
ავტომობილის დაზღვევა - ითვალისწინებს კომპანიის და პირად საკუთრებაში არსებული ავტომობილების დაზღვევას ავტოსაგზაო შემთხვევების, საგნის დაცემის, ხანძრის, სტიქიური მოვლენების, ქურდობისა და ვანდალიზმის შემთხვევებისგან.
ავტომობილის ძარის დაზღვევასთან ერთად როგორც წესი დაზღვევას ექვემდებარება:
- მესამე პირების წინაშე პასუხისმგებლობა (MTPL)
- მძღოლისა და მგზავრების დაზღვევა (MPA)
დაზღვევის ფასი დამოკიდებულია სხვადასხვა ფაქტორებზე, როგორიცაა: ავტომობილის ტიპი, მისი ასაკი, დანიშნულება, ასევე მძღოლის გამოცდილება.
დაფარვები
დაზღვევა მოიცავს:
- ავტოსაგზაო შემთხვევა;
- ხანძარი, აფეთქება;
- სხვადასხვა საგნის დაცემა;
- ძარცვა, ქურდობა, ყაჩაღობა, ვანდალიზმი;
- გარე აქსესუარების დაზიანება/განადგურება;
- ავტომობილის დაზიანება (მძღოლის ან მისი ბრალის გარეშე)
- სტიქიური უბედურებები (მათ შორის სეტყვა და მიწისძვრა).
ის ასევე შეიძლება მოიცავდეს:
- საგზაო მოძრაობის წესების დარღვევით მომხდარ შემთხვევებს;
- ავტომობილის დაზიანებას ფორს-მაჟორული მოვლენების შედეგად.
მესამე პირის წინაშე პასუხისმგებლობის დაზღვევა ითვალისწინებს სადაზღვევო პოლისში მითითებული დაზღვეული ავტოტრანსპორტის ექსპლუატაციისას მესამე პირის სიცოცხლის, ჯანმრთელობის ან/და ქონებისათვის მიყენებული ზიანის ანაზღაურებას.
მძღოლისა და მგზავრების უბედური შემთხვევისაგან დაზღვევის პოლისით იფარება მძღოლისა და ავტომობილში მყოფი პირების სხეულის დაზიანება ან/და გარდაცვალება, გამოწვეული დაზღვეული ავტომობილის ექსპლუატაციისას მომხდარი უბედური შემთხვევით.
დამატებით სერვისები შეიძლება მოიცავდეს:
- მძღოლების შეუზღდავი რაოდენობა;
- უფასო ევაკუატორი საქართველოს მასშტაბით;
- საბურავის გამოცვლა;
- ავტომობილის დაქოქვა;
- საწვავის ადგილზე მიტანა;
- ავტომობილის რეცხვა;
- საპატრულო პოლიციისა და დაზღვევის სამსახურის გამოძახების გარეშე სადაზღვევო შემთხვევების დარეგულირება (მაგ, საქარე მინის დაზიანება, პარკირების შემთხვევა, სეტყვა..)
ჩვენი ბენეფიტები
ჩვენ ვახდენთ სადაზღვევო პროდუქტის ფორმირებას თქვენი ორგანიზაციისათვის, რომელიც ხარისხობრივად გამოირჩევა რომელიმე ერთი სადაზღვევო კომპანიის პროდუქტისაგან.
შექმნილი პროდუქტის მისაღებად ჩვენ ვიძიებთ მისი დაზღვევის პირობებს სადაზღვევო კომპანიებისაგან და ანალიზს ვუკეთებთ მათ შეთავაზებებს, რის მიხედვითაც ვარჩევთ საუკეთესო / ოპტიმალურ შეთავაზებას.
ჩვენ ვმართავთ დაზღვევის სრულ პროცესს, რაც მოიცავს სადაზღვევო კომპანიასთან გასაფორმებელი ხელშეკრულების გადახედვას, საჭირო დოკუმენტების მომზადებაში დახმარებას, სადაზღვევო პროცესში წარმოქმნილი საკითხების მართვასა და კონტროლს.
მონიტორინგი მოიცავს მომსახურების სერვისის მართვას სადაზღვევო კომპანიასთან ერთად, რაც ეხმარება დაზღვეულს სადაზღვევო შემთხვევების სამართლიან და დროულ გადაწყვეტაში. სერვისი ასევე მოიცავს დაზღვეულთა გამოკითხვებს და სერვისში დაფიქსირებული ხარვეზების მართვას.
მიიღეთ კონსულტაცია
დაგვიტოვეთ თქვენი საკონტაქტო და ჩვენ დაგიკავშირდებით